Í sumar stendur til að grafa í rústir á Hálsi sunnan Kárahnjúka.  Páll Pálsson á Aðalbóli fann tóftirnar og forkönnun Fornleifaverndar ríkisins hefur sýnt að þær eru sennilega frá 11. öld.  Talið er hugsanlegt að þær séu af svonefndu Reykjaseli sem nefnt er í Hrafnkels sögu.

Ljóst er að rústirnar munu fara undir Hálslón og því verða þær rannsakaðar til fullnustu.  Rannsóknin hefst í lok júlí.