Fornleifarannsókn á Gásum  

Fornleifastofnun Íslands hefur unnið að umfangsmiklum rannsóknum á Gásum við Eyjafjörð síðan árið 2001.  Gásir við Hörgárósa voru helsti verslunarstaður á Norðurlandi á miðöldum og er víða getið í fornritum frá 13. og 14. öld. Gása er síðast getið 1391 og virðist verslun þar hafa lagst af skömmu síðar. Elstu lýsingar á rústum á Gásum eru frá seinni hluta 18. aldar og þegar á 19. öld var mönnum orðið ljóst að Gásir væru einn umfangsmesti og merkilegasti minjastaður á Íslandi.  Áætlað er að rannsóknum ljúki sumarið 2006.